🗣️ COMUNICACIÓN PARA TOD@S 🗣️

Esta derradeira semana antes das merecidas vacacións, a nosa mestra Marta, agasallounos co seu tempo para poder explicarnos como nos comunicamos as persoas. E descubrimos que hai moitos xeitos de facerse enternder e de entender aos demais. Algúns son máis sinxelos, outros requiren de moita paciencia.

Cando xa empezamos a entender.. puxémonos mans a obra.. e non é nada, pero que nada fácil nin rápido contar cousas moi sinxelas como o que nos gusta. 

MOITAS GRAZAS PROFE MARTA POR ENSINARNOS TANTO E TAN BEN

  🎂ANIVERSARIOS e NON ANIVERSARIOS DO MES DE MARZO NA AULA DE 1º🎂

O longo mes de marzo veu cargado con nada máis e nada menos que 3 aniversarios na aula de primeiro.

Despois do breve descanso do entroido, non deixamos que parase a troula e o día 7 celebramos a 7ª volta ao sol da nosa compi Ada. Preguntámoslle moito polas cousas que foi vivindo e aprendendo e para rematar, pensou nalgo novo que lle gustaría aprender durante esta nova volta ao sol... custou elixir unha soa. Finalmente gozamos dun petisco doce despois de soprar as veas.

Xa o día 15 de marzo, a nosa compi Mía completou a súa sétima volta ao sol. Como caeu en sábado e nós non somos de perder ningunha troula, en clase celebrámolo o día 17 ou 18 de marzo.. non nos quedou moi claro! 🤭

Contounos todo o que foi medrando durante estes anos, o que foi aprendendo e os retos que quería intentar cumplir para esta nova volta ao sol! Esperamos que así sexa.

E como este mes se nos estaba a facer moi longo, aproveitamos para festexar un NON ANIVERSARIO: o do noso compi Ían. Aínda que el completou a súa sexta volta o sol o 31 de xullo do 2024, este luns 31 de marzo calculamos por onde vai a súa viaxe, e resulta que vai na sexta volta e 8 meses... xa queda menos!

Tamén nos comentou onde se tomaron as súas fotos e que cousas lle quedaría aprender nestes 4 meses de volta que lle quedan. Unha marabilla!

Parabéns compis!!!

🎭 ENTROIDO 2025: VILAZA OLÍMPICA 🎭 

Este ano, no cole, Librincios estanos facendo descubrir moitas cousas sobre as olimpiadas, que son moito máis ca deportes. E lanzado o reto, puxémonos mans a obra para crear darlle a Vilaza unha delegación Olímpica da que sentirse orgullosa! Aquí vos quedan os pasiños que fomos dando durante estes últimos días! 

aproveitamos para mandarlle un cariño á nosa compi marta que no puido asistir ao desfile olímpico! Botámoste moito de menos!

 🎂ANIVERSARIOS DO MES DE FEBREIRO NA AULA DE 1º🎂

Aínda que este mes é curto e o entroido tamén se fixo de esperar, puidemos festexar 2 aniversarios.

O día 20 de febreiro, o noso compi Neizan fixo a súa 7ª volta ao sol. Compartiunos moitos momentos e historias vividas, presentounos á súa familia e tamén lembrou con nós as cousiñas que foi aprendendo ao longo de todas estas bolsas! 

E 4 días despois, o día 24 de febreiro foi o aniversario do noso compi Teo tamén fixo a súa 7ª volta ao sol. Chea de recordos, lembranzas e aventuras que compartiu con nós. Por último, tivo tempo de pensar nas cousas que lle gustaría aprender a facer nos próximos 365 días e en formular algún desexo segredo.

Parabéns compis!